Kung ilang puno ng bayabas ang aking naakyat ay hindi ko nababatid, ang tanging alam ko'y nababakli ang mga sangang marurupok tuwing ako'y umaakyat at nangunguha ng mga matatamis na bunga nito, daig ko pa nga si maria kaprang ibon na dumadagit ng mga hitik na hitik na hinog! Kung ilang damo na ang nalumpo at nawasak, nabalian ng tangkay, nawalan ng dahon, nakalbo ang sumusupling na mga bobot na bulaklak nito,ay hindi ko alam,sa muli ang nababatid ko'y hindi ang bilang ng halamang nangagkasawi kundi ilang sugat na ang nagamot at napahilon ng mga halamang yaon! Ilang sugat na nga ba? sugat na dala marahil ng pagtatakbuhan, ng taguan, ng hulihan, ng gulungan sa maberdeng damuhan...sugat na umuukit sa manipis kong balat at nagiging pilat na palatandaang kami'y nagkasayahan!ilang taon na nga ba ang lumipas at nataktak, ilang araw ang nalagas at nahulog...namimiss ko na ang bukid...namimiss ko na ang halakhakan tuwing kami'y lulusong sa sapa at manghuhuli ng butete, papakainin si kalakian at susundutin ang kanyang gulugod para magalit at kami'y magsisitawanan...Namimiss ko na ang mga sandaling hinugis ako ng aking kalikutan, ang mga kalaro ko't katunggalian...ang buhay elementarya at buhay bukid na aking naranasan...sana'y makakahuli pa ako ng tutubi, makapaglalaro sa ulan...sana'y sa panibago kong mundo ay makakaniig ko pa ang bukid, ang pook, ang tumana na aking nakagisnan...Namimiss ko sila nguni't namimiss rin kaya nila ako?
kumakaway sila tuwing ako'y lumulusong sa bayan, ngumingiti kong ako'y nagbabalik...sa simpleng kadahilanang hindi ako naging dayuhan sa aking sinilangan at sa payak na pananalita'y namimiss nila ako at sila'y nalulungkot dahil minsan na lamang kaming magkakapiling... Namimiss nila ako at ya'y patulo'y kong nararamdaman...
"masuwerte ang mga batang lumaki sa bukid dahil alam nila ang halaga ng buhay, ang sarap ng pakikipamuhay,mapalad sila dahil tulay sila ng kahapon at ngayon, sila ang piping saksi ng pagbabago...ang mga bata sa bukid ang time machine ng makabagong mundo"
( P.S Brgy. Mambucal at Mambucal elementary school...Maraming maraming salamat)
4 comments:
Ei sir, im hareil..hehe..im really not good in speaking in Filipino…yet, I have the capacity…---whatever…hehehe.. Well, I read your blogs on your homepage. It was so nice…some may say that it is unexpected that you can write this good, but I’m not one of those some.. I really expected you to be that good… I really see you as a man of principle as I read your blogs… indeed, you really have a stand!!! I admire you!! You really look at your back!! As what our classmate said: “ang hindi marunong lumingon sa pinanggalingan ay mas mabaho pa sa malansang isda….” hahaha
Sigh…I really hope that I will be as good as you are… I may not be totally as good… but at least, I have something to show off that came from you!!!... hahaha…
May God shower you His choicest blessings!!!
~Ma. Hareil Arce Lebanan
salamat hareil, matututo ka rin! Salamat sa komento, maraming maraming salamat! maligaya na ako na mayroong nagsabi niyan! hahaha!
Nice blog... Contack me chard at this email... ndmmsphysics@gmail.com... check my blogsite... http://escritor-liryc.blogspot.com...
nice and interesting articles. mabuhay ka!!!
Post a Comment